Иранда оппозиция җитәкчесе алты ел төрмәгә хөкем ителгән

Тәһран – Иранның реформачыл “Моһсән” фиркасы җитәкчеләренең берсе, Сафаи Фарахани, алты ел төрмәгә хөкем ителгән.

Бу хәбәр бүген Иран оппозициясенең интернет сәхифәләрендә дөнья күрде. Аңа нинди гаепләү белдерелгәне әлегә хәбәр ителми.

Фарахани, берничә дистә активист һәм журналист белән бергә, июль аенда үткән президент сайлаудан соң кулга алынган иде.

Оппозиция, сайлау нәтиҗәләренә протест белдереп, урам җыеннары үткәрде.

Иран рәсмиләре оппозицияне дәүләткә каршы эшчәнлектә гаепли.