Казан хакимияте башлыгы Илсур Метшин сүзләренчә, соңгы берничә елда мэриядә 90га якын кеше ришвәт алуда гаепләнеп эшеннән куылган. Хакимият үз хезмәткәрләрен дөреслекне сөйлиме, юкмы икәнен белүче җиһазда (детекторда) тикшерү эшен 2007 елда ук башлаган иде. Әмма моңа кадәр бу эш нәтиҗәләре әйтелми килде. “Азатлык” хәбәрчесе хакимият хезмәткәрләренең детекторда ничек итеп тикшерелүен күзәтте.
