Төркиягә ике көнлек рәсми сәфәр белән килгән Татарстан президенты Рөстәм Миңнеханов сәфәренең беренче көнендә Әнкарада Төркиянең югары җитәкчеләре белән очрашты һәм Ататөрек төрбәсенә чәчәк салды.
Төркия тышкы эшләр министры Әхмәт Даутоглу Миңнеханов белән очрашуда Төркия белән Татарстан мөнәсәбәтләренең тарихи тамырлары тирән булуына басым ясап, хәзер бәйләнешләр иң югары ноктасына күтәрелде, диде. Шул ук вакытта ул дустанә мөнәсәбәтләрне киңәйтү өчен чикләр булмавын да әйтте.
Төркия тышкы эшләр министры шулай ук быел Татарстанга Сабантуй бәйрәменә килергә җыенуын белдерде.
Миңнеханов Төркиягә анда яшәүче татарларга үз телләрен һәм мәдәниятләрен сакларга ярдәм иткән өчен рәхмәт белдерде. Бу уңайдан ул былтыргы Тукай елы кысаларында Төркиядә үткән чараларны искә алды һәм үзенең бу сәфәре барышында да Төркиядә сәнгать әһелләре концерты, Сабантуй бәйрәме узачагын әйтте.
Миңнеханов, пәнҗешәмбе Истанбулда узачак Татарстан-Төркия Сәүдә-инвестиция форумы дөнья икътисади кризисы нәтиҗәсендә кимегән хезмәттәшлекне тагын арттырырга ярдәм итәчәк, диде.
Бүген Татарстан президенты шулай ук Әнкарада Ататөрек төрбәсенә барып чәчәк салды.
Аннан соң Рөстәм Миңнеханов Төркия президенты Абдулла Гүл белән очрашты.
Пәнҗешәмбе Миңнеханов Истанбулда үтәчәк Сәүдә-инвестиция форумында чыгыш ясаудан тыш, анда Тукай һәйкәлен ачу тантанасында да, Сабантуй бәйрәмендә дә катнашачак.
![Рөстәм Миңнехановның Төркиягә рәсми сәфәре]()
Фотогалерея:
Төркия тышкы эшләр министры Әхмәт Даутоглу Миңнеханов белән очрашуда Төркия белән Татарстан мөнәсәбәтләренең тарихи тамырлары тирән булуына басым ясап, хәзер бәйләнешләр иң югары ноктасына күтәрелде, диде. Шул ук вакытта ул дустанә мөнәсәбәтләрне киңәйтү өчен чикләр булмавын да әйтте.
Төркия тышкы эшләр министры шулай ук быел Татарстанга Сабантуй бәйрәменә килергә җыенуын белдерде.
Миңнеханов Төркиягә анда яшәүче татарларга үз телләрен һәм мәдәниятләрен сакларга ярдәм иткән өчен рәхмәт белдерде. Бу уңайдан ул былтыргы Тукай елы кысаларында Төркиядә үткән чараларны искә алды һәм үзенең бу сәфәре барышында да Төркиядә сәнгать әһелләре концерты, Сабантуй бәйрәме узачагын әйтте.
Миңнеханов, пәнҗешәмбе Истанбулда узачак Татарстан-Төркия Сәүдә-инвестиция форумы дөнья икътисади кризисы нәтиҗәсендә кимегән хезмәттәшлекне тагын арттырырга ярдәм итәчәк, диде.
Бүген Татарстан президенты шулай ук Әнкарада Ататөрек төрбәсенә барып чәчәк салды.
Аннан соң Рөстәм Миңнеханов Төркия президенты Абдулла Гүл белән очрашты.
Пәнҗешәмбе Миңнеханов Истанбулда үтәчәк Сәүдә-инвестиция форумында чыгыш ясаудан тыш, анда Тукай һәйкәлен ачу тантанасында да, Сабантуй бәйрәмендә дә катнашачак.
Рөстәм Миңнехановның Төркиягә рәсми сәфәре
30 майда Татарстан президенты Рөстәм Миңнеханов Төркиягә рәсми сәфәр белән килде. Ике көнлек сәфәр барышында Миңнеханов Анкара һәм Истанбулда булып Төркиянең югары җитәкчеләре белән очрашулар үткәрә.
