Үзләрен һун оныклары дип атаган сигез бурят хатын-кызы сәяхәт маршрутларына да “Улан-Удэ – Бугац, Һуннар: борынгы бабалар юлы” дип исем биргән. Автойөрешнең озынлыгы – 22 мең километр. Алар 48 көн эчендә Иркутски, Абакан, Барнаул, Новосибирски, Казан, Болгар, Элиста һәм Украинаның Днепропетровски шәһәрләре аша Венгриянең Бугац шәһәренә барып җитәргә планлаштыра.
Автойөрештә катнашучылар Бугацта 10-12 август көннәрендә борынгы Туран территориясеннән чакырылган халык вәкилләре катнашында узачак Зур корылтайда катнашканнан соң кабат шушы маршрут аша Улан-Удэга кайтачакларын белдерә.
Бурятия сәяхәтчеләре сүзләренчә, аларның бу автойөрешкә чыгуларының төп максаты – тарихи һун мирасын популярлаштыру һәм Русия һуннарының борынгы башкаласы дип әйтелгән Улан-Удэ шәһәренең дәрәҗәсен күтәрү.
Казан милли мәдәният үзәгендә журналистлар белән уздырган очрашуда алар әлеге уңайдан һуннар турында әзерләнгән видеоролик күрсәтте.
Бурятия сәяхәтчеләре очрашуда Улан-Удэда төзергә планлаштырылган һәм моңа инвестиция проекты буларак караган “Һуннар шәһәре” тарихи ныгытма-шәһәр макетын тәкъдим итте.
Очрашу барышында Бурятия сәяхәтчеләренең үзләре белән алып килгән “Бурятия – һуннар серен саклаучы” дип аталган күчмә күргәзмәне дә карарга мөмкин булды.
Автойөрештә катнашучылар Бугацта 10-12 август көннәрендә борынгы Туран территориясеннән чакырылган халык вәкилләре катнашында узачак Зур корылтайда катнашканнан соң кабат шушы маршрут аша Улан-Удэга кайтачакларын белдерә.
Бурятия сәяхәтчеләре сүзләренчә, аларның бу автойөрешкә чыгуларының төп максаты – тарихи һун мирасын популярлаштыру һәм Русия һуннарының борынгы башкаласы дип әйтелгән Улан-Удэ шәһәренең дәрәҗәсен күтәрү.
Казан милли мәдәният үзәгендә журналистлар белән уздырган очрашуда алар әлеге уңайдан һуннар турында әзерләнгән видеоролик күрсәтте.
Бурятия сәяхәтчеләре очрашуда Улан-Удэда төзергә планлаштырылган һәм моңа инвестиция проекты буларак караган “Һуннар шәһәре” тарихи ныгытма-шәһәр макетын тәкъдим итте.
Очрашу барышында Бурятия сәяхәтчеләренең үзләре белән алып килгән “Бурятия – һуннар серен саклаучы” дип аталган күчмә күргәзмәне дә карарга мөмкин булды.