26 сентябрьдә мөселманнарны яклау пикеты Казанда да үтте. Пикетны оештырган “Азатлык” татар яшьләре берлеге рәисе Наил Нәбиуллин чараны мөселманнарга кагылышлы өч вакыйгага багышлап уздыруларын әйтте.
“Беренчесе – “Мөселманнарның гаепсезлеге” фильмына ризасызлык күрсәтү. Икенчесе – Казанда урыс милләтчесе Михаил Шаровның Коръәнгә сало һәм тизәк куеп фотога төшерүе һәм моны “Вконтакте” челтәрендә күрсәткәне өчен аңа карата җинаять эше ачылуын таләп итү. Өченчесе – Мәскәүдәге мәчет төзелешенә рөхсәт бирмәүгә карата кәнәгатьсезлек белдерү”, дип бәян итте ул.
“Азатлык” оешмасының башка пикетларыннан аермалы буларак, әлеге пикетта күтәрелгән шигарләр тулысынча урыс телендә язылган иде. Чараны тәртип саклаучылар белән беррәттән бик күп үтеп баручы да күзәтте. Фото һәм видеога төшерүчеләрнең күп булуы игътибарны җәлеп итте. Тәртип бозу очраклары булмады.
“Беренчесе – “Мөселманнарның гаепсезлеге” фильмына ризасызлык күрсәтү. Икенчесе – Казанда урыс милләтчесе Михаил Шаровның Коръәнгә сало һәм тизәк куеп фотога төшерүе һәм моны “Вконтакте” челтәрендә күрсәткәне өчен аңа карата җинаять эше ачылуын таләп итү. Өченчесе – Мәскәүдәге мәчет төзелешенә рөхсәт бирмәүгә карата кәнәгатьсезлек белдерү”, дип бәян итте ул.
“Азатлык” оешмасының башка пикетларыннан аермалы буларак, әлеге пикетта күтәрелгән шигарләр тулысынча урыс телендә язылган иде. Чараны тәртип саклаучылар белән беррәттән бик күп үтеп баручы да күзәтте. Фото һәм видеога төшерүчеләрнең күп булуы игътибарны җәлеп итте. Тәртип бозу очраклары булмады.
