Җомга иртәнге якта Уфаның Зорге урамында ЮХИДИ машиналары юлны ябып тору сәбәпле, озын тыгын барлыкка килгән. Башкала дәүләт автоинспекциясендә хәбәр итүләренчә, юлларны ябу Уфага Кыргызстан президенты килү белән бәйле, дип яза Mkset. "Урамнарда ЮХХДИ патрульләре эшли. Президент кортежы якынлашканда алар урамны ябып тора", диләр автоинспекциядә.
Республика башлыгы матбугат хезмәт хәбәр итүенчә, Алмазбәк Атамбаев Уфадан бүген китәчәк. Әле ул Уфада рәсми булмаган очрашулар уздыра. Эш сәфәренең рәсми өлеше кичә булды дип белдерелә.
Кыргызстан президентының китүе дә зур тыгыннарга китерергә мөмкин, дип фаразлана. Чөнки төштән соң уфалар авылларга яки бакчаларга кузгала.
Кыргызстан президенты Алмазбәк Атамбаев Башкортстанга 22 июньдә килде. Дәүләт җитәкчесен аның хатынны Рәисә Атамбаева озатып йөри. Сәфәр барышында Атамбаев Башкортстан башлыгы Рөстәм Хәмитов белән орашты. Шулай ук Русиядә Кыргызстан мәдәнияте көннәре кысаларында Кыргыз республикасының сәнгать осталары концерты узды.
Казанда да 23 июньдә Кыргызстан мәдәнияте көннәре башлана.