Accessibility links

Рәфис Кашапов Георгий тасмасын такмаска чакыра


Рәфис Кашапов

Рәфис Кашапов урыс хәрбиләренең шундый тасмалар белән ата-бабаларыбызны юк итүен без онытмаска тиеш дип белдерде.

"Азат Идел-Урал" хәрәкәтен оештыручыларның берсе, хәзергә Украинада сыенган милли хәрәкәт активисты Рәфис Кашапов 9 май бәйрәме уңаеннан Георгий тасмасын такмаска чакырды.

"Хәзер Георгий тасмасы Русиянең Украинага, Грузиягә, Сүриягә, Чечнягә, Дагытсанга, Идел-Уралга, Кавказ һәм Себергә агрессиясе итеп кабул ителә. 9 май бәйрәменә Георгий тасмасын ("Георгий тасмасы" - колорадо коңгызы) тагу – яһүдләрне юк иткәннән соң свастика тагуга тиң. Георгийның елан үтерүе ясалган әләмнәр белән урыс сугышчылары безнең татар, төрки һәм фин-угыр халыкларының дәүләтләрен басып алырга барган", дип язды Кашапов Facebook-та.

Татарстанда "Азатлык" татар яшьләре берлеге берничә ел Георгий тасмасы урынына Татар тасмасы таратып килә. 2016 елда Үзбәкстанда Георгий тасмалары урынына дәүләт байраклары таратылган иде.

XS
SM
MD
LG