3 март кичендә Украина-Беларус чигендә Украина һәм Русия вәкилләренең сугышны туктату турындагы икенче сөйләшүе узды.Очрашу нәтиҗәләренә күрә, якын арада тыныч халыкны эвакуацияләү өчен һуманитар коридорлар оештырылачак. Тарафлар сөйләшүләрнең өченче раунды турында да килешкән. Монда тулырак.
Казандагы IKEA кибетендә озын чиратлар
Кибетнең иртәгә ябыласын ишеткән халык әйбер алып калырга дип озын чиратларга тезелде. Хәбәр иткәнебезчә, йорт җиһазлары сатучы IKEA челтәре бүген Русия һәм Беларуста эшен туктатуын игълан итте.
Бүген Казан даруханәсендә
Даруханә хезмәткәре: "Кичә төрле препаратларны күпләп алынуы күзәтелә башланды. Әлегә элекке "поставка"ларга бәяләр ул кадәр күтәрелмәде, ләкин бүген чит илдә җитештерелгән препаратлар килсә, аларның бәяләре икенче булачак. Алар да арта икән, Русиядәге фармацевтик компанияләр калышмачак. 20 процентка кадәр артырга мөмкин".
Сатып алучы: "Томоксифен даруы Русиядә җитештерелгәне дә бар, Германиядә дә. Соңгысын күбрәк популяр, чөнки сыйфатлы, ул болай да аз-азлап килә иде. Бу - яман шеш операцияләрен кичергәннән соң эчелә торган препарат. Менә ул юк. Эзлим".
Мәскәү урамнарында сугышка каршы язулар
"Татарча подкаст"ның чираттагы чыгарылышында Канададан Алимә Сәләхетдинова белән сугыш темасына балалар, өлкән яшьтәге әти-әниләр белән ничек сөйләшергә, кампа-каршы фикерле туганнар, дуслар белән ничек элемтәләрне саклау турында фикер алыштык. Психологик яктан да ничек үзеңне сакларга дигән сорауга җавап эзләдек.
Time журналы тышлыгына Украина байрагын һәм Зеленский сүзләрен чыгарды
Тышлыктагы текст беренче мәртәбә украин телендә. "Тормыш үлемне җиңәчәк, ә дөнья – караңгылыкны", диелгән.
Украина президенты Владимир Зеленский бу сүзләрен интернет аша Европарламентка ясаган мөрәҗәгатендә әйткән иде.
Чыгарылышның төп темасы сәясәтчегә һәм аның илне саклауда катнашуына багышланган.
⚡️ "Дождь" эшен вакытлыча туктатып тора – Наталия Синдеева
Моның хакта ул каналның соңгы эфирында белдерде.
Казандагы "Пятерочка" кибете сатучысы:
"Көн саен әз-әзләп булса да бәяләр арта. Сөт ризыклары, токмач ризыклары, төрле ярмаларга, химия продукциясе беренче чиратта. Өч көн рәттән бәяләрне яңадан язып чыгабыз. Ажиотаж юк. Әмма вакытлыча була ала бу күренеш. Кешеләр күп очракта "Светофор" кебек кибетләрдә сатып алырга тырыша. Коронавирус вакытында да шундый борчылу күп булды. Әмма тауар бетмәде. Әмма доллар да үсте бит"