Bügen Kremldä Rusiä ilbaşı Vladimir Putin Başqortstan prezidentı Mortaza Räximov belän oçraştı. Köntärtibendä – respublikanıñ uzğan yıldağı sotsial-iqtisadi üseşenä yomğaq yasaw häm yaña yılğa plannar tora ide, dip xäbär itelä. Şulay uq Başqortstannıñ Rusiägä quşılunıñ 450 yıllığın bilgeläwgä äzerlektän tış oçraşuda Rusiä belän Başqortstan arasında wäkälätlärne büleşü turındağı kileşüne yañartu mäsäläse dä yañğrağan. Başinform mäğlümat agentlığı xäbär itüençä, Putin Räximovnıñ, kileşü nigezendä mönäsäbätlärne üsterü kiräklege turındağı täqdimen xuplağan, bu tör eşneñ – Rusiäneñ federativ däwlät yünäleşendä bulğanın azsızıqlağan.
