Şveytsariädäge Dönya İqtisadi Forumı köntärtibendä torğan möhim mäsälälärneñ berse dönyada tuberkulez taraluın tuqtatu. Uzğan yılda dönyada bu çirdän 1 million 600 meñ keşe ülgän. Komputer programmaların citeşterüçe iñ ere Microsoft şirkäte başlığı Bill Gates, tuberkuleznı kisätü programmasına 2015nçe yılğa qädär aqçanı 3 märtäbä, 300 millionnan 900 million dollarğa arttıraçağın iğlan itte. Gates, Nigeriä prezidentı Olusegun Obasanjo häm Britaniä finans ministrı Gordon Brown belänberlektä, aldağı 10 yılda 50 million keşene däwalaw, 14 million keşene ülemnän saqlap qalu turındağı programma mäsäläsendä kileşte. 10 yıllıq tuberkulez programması tulayım 56 milliard dollarğa töşäçäk.
