Jeneva -- Dönya sälämätlek oyışması räsmie Dick Tompson qoş kizüeneñ ber pesigä yoğuı turındağı xäbär uñayınnan, monıñ keşelärgä qurqınıç tudıruın açıq qına äytep bulmıy, moñarçı andıy xälneñ bulğanı yuq ide äle, dide. Kiçä Germaniä räsmiläre, ber pesineñ qoş kizüe belän awırğan ürdäk iten aşağannan soñ, keşelär öçen qurqınıçlı H5N1 virusı yoqtıruı turında belderde. Elegräk, H5N1 virusı Aziädä başqa xaywannarğa küçep, pesilärne, yulbarıslarnı, qaplannarnı ütergän ide. Qayber Awropa illärendä H5N1 virusı tabıldı. Anda bu virusnıñ yort qoşlarına küçü häm soñraq mutatsiälänep, keşelärgä yoğu mömkinlegenä borçılu belderelä. Soñğı ike yılda qoş kizüennän tuqsanlap keşe ülde.
