Minskiyda militsiä “Towarıyşç” dip atalğan kommunistlar ğäzetäsın totqarlağan. Anda oppozitsiädän Belarus prezidentına nämzät bulğan Aleksandr Milenkewiçnıñ saylaw aldı proğramması basılğan bulğan. Annan alda Minskiy hawa alanında,19 mart prezident saylawlarında Awropada xezmättäşlek häm iminlek oyışması wäkilläre belän bergä, küzätüçe bularaq qatnaşır öçen kilgän, Görcestan wäkilläre totqarlandı. Belarusnıñ däwlät iminlege qomitetı, görci diplomatları ildäge tärtipne bozarğa tırışuda gäyeple dip belderde. Görcestannıñ tışqı eşler ministrlığı alarnıñ bu belderüen safsata dip atadı. Görcestan wäkillärenä hawa alanınnan çığu röxsät itelmi, alar Tifliskä barı tik şimbä könne genä kitä alaçaq.
