Germaniäneñ Gerhard Schroeder citäkçelegendäge xökümäte üz eşçänlegeneñ soñğı könnärendä Rusiäneñ Gazprom şirkätenä 1 milliard eurolıq burıçnı garantiälägän bulğan.
Bügen Germaniäneñ Suddeutsche Zeitung gazetında çıqqan bu xäbärne Germaniä İqtisad ministrlığı rasladı.
Bu kredit xäzer tözelüçe Baltıy diñgeze töbe aşa Rusiädän Germaniägä tabiği gaz qudıraçaq ütkärgeç tözeleşenä totıla.
Germaniä energiä şirkätläre belän Gazprom bergäläp oyıştırğan bu gazütkärgeç şirkäten elekke kansler Schroeder citäkli. Häm anıñ yıllıq xezmät xaqı 250 meñ euro.
Schroedernıñ Rusiä xökümäte konstrolendäge bu şirkät citäkçelegenä kilüe germaniädä zur şaw-şuğa säbäp buldı.
