Alğa taba berniçä fatírı bulğannarğa, artıq toraq öçen arttırıp tülärgä turı kiläçäk. Bu xaqta “Töbäklärne üsterü ministrlığı” üz täğdimnären äzerli. Anıñ başlığı Vladimir Yaqovlev süzlärenä qarağanda, xäzer küplär fatirlarnı yäşär öçen tügel, arendağa birep, üzenä aqça eşläw öçen satıp ala. Bu xäl küçemsez milek bazarında bäyälärneñ üsüenä kiterä. Bu xälne normalläşterü öçen, xäkimiät, ikençe , öçençe fatir aluçılar öçen bäyälärne arttırırğa niätli. Şunıñ östenä, Vladimir Yaqovlev, Böten dönya kreditqa yäşi, bu yaqtan Rusiä artqa qala dip, fatir mäsäläsen çişkändä ipoteqä kreditınıñ möhimlegen äytep, anı 7% qädär töşeregä kiräk dip belderde.
