Rusiäneñ ğädättän tış xällär ministrlığı, Soçi yanında A-320 oçqıçınıñ qazağa oçraw säbäpläreneñ berse dip, hawa torışınıñ naçar buluın atıy. Yerevannan Soçiğä oçuçı A-320 oçqıçı uzğan töndä Adler hawa mäydanına töşer aldınnan qaza kiçerde. Oçqıçta 105 yulçı, 8 ekipäj ägzäse bulğan. Rusiäneñ tışqı eşlär ministrlığı mäglümätlärenä qarağanda, oçqıçta bulğannardan 27se Rusiä watandaşı. Haläk bulğannarnıñ 38 cäsäde tabılğan. Watılıp diñgezgä töşkän oçqıç watıqları ike çaqırım tiränlektä su astında yatu ixtimalın belderälär. Alarnı ezläp tabu öçen tirän sularda qullanıla torğan cixazlar kitereläçäk. Rusiäneñ baş prokuraturası kürsätmäse belän Soçiğä Mäskäwdän tikşerüçelär törkeme kilgän. Oçqıç xucaları bulğan Ärmänstan hawa yulları şirkäte, oçqıç bik yaxşı, tözek xäldä ide dip belderä. 5 may ike yaq prezidentı qararı belän, Rusiädä dä Ärmänstanda da mätäm köne dip iğlan itelgän.
