Rusiä xäbär agentlıqları tışqı eşlär ministrı urınbasarı Sergey Kizlyaknıñ BMO İminlek Şurasında İrannıñ atom programması turındağı rezolütsiä ölgesen nıq üzgärtergä kiräk digän süzlären tapşıra.
İminlek Şurası äğzaları Britaniä häm Fransiä äzerlägän bu rezolütsiä ölgese turında söyläşülärne bügen däwam itä. Bu dokument Tährannan uran bayıtu eşen tuqtatuın taläp itä.
Anda BMO xartiäseneñ çikläwlär yäki xätta xärbi çaralar kürü turındağı 7-nçe bülegen qullanu turında süz bara. Ämma bu çaralar qullanılğan oçraqta ayırım rezolütsiä taläp iteläçäk.
İminlek Şurasındağı 5 daimi äğzanıñ 2-se Rusiä belän Qıtay resolütsiä ölgesendäge 7-nçe bülekne tullanu täqdimenä qarşı çığa.
BMOdağı AQŞ ilçese John Bolton AQŞ Qıtay belän Rusiäneñ ölgene üzgärtü turındağı täqdimnären tıñlarğa äzer dide.
