Qırğızstan prezidentı Qormanbäk Bakiyev, bügen, küptän tügel üterelgän qırğız säyäsätçese häm cinäyätçe Rısbek Akmatbaeyvnıñ tarafdarları belän oçraştı. Alar arasında Akmatbaeyvnıñ tuğannarı da bar ide. Könçığıştağı Balıqçı şähärendä alar Akmatbayevnı ülemennän soñ bulsa da parlamenttağı wazifağa bilgeläwne taläp itep uram cıyını uzdırdı. Prezidentnıñ matbuğat xezmäte oçraşunı "näticäle" dip atadı. Üterelgänçe, Akmatbayev, parlamentqa uzğan östämä saylawlarda ciñü yawlağan ide. Küplär höcümne – säyäsi üterü dip bäyäläde. Protest belderüçelär Akmatbayevnıñ ülemenä häm premuyer-ministr Feliks Kulovnıñ urınınnan kitüenä ğadel tikşerü taläp itte. Qırğızstan parlamentı xökümät täqdim itkän amnistiä turındağı qanun ölgesen kire qaqtı. Qanunda citdi cinyätlär qılmağan olı yäştäge keşelär häm baliğ bulmağannar, şulay uq yökle xatın-qızlarğa yarlıqaw soralğan ide. Şulay uq cäzanıñ zur öleşen ütägän 5800 totqınnıñ törmä cäzaların tağın da kimetü qaralğan ide.
