Accessibility links

Кайнар хәбәр

Möslim awılın küçeräçäklär


Uzğan ğasırnıñ 50nçe yıllar başında Mayak atom berläşmäsendä bulğan şartlaw näticäsendä äle dä nurlanış alıp ziyan kürep yäşägän Möslim awılın küçerü turında qarar qabul itelgän. Bu xaqta Rusiäneñ atom idaräse başlığı Sergei Kirienko, awıl xalqı belän bulğan oçraşuda belderde. Kirienkonıñ kiñäşçese İgor Konışev süzlärenä qarağanda, Atom İdaräse häm Çiläbe ölkäse xakimiäte, üzara, Möslim awılında yäşäwçe 3200 keşeneñ tormış şartların yaxşırtu turında kileşkän. Süz, xalıqnı Çiläbe şähärenä küçerü yäki alar öçen zararlanmağan urında awıl tözü turında bara. Kirienko, awıl tözüne yaqlap çıqtı, şähärgä küçü ozaqqa suzılaçaq, dip belderde. Programma 3 yılğa isäplängän, eşlär yaqınça milliard yarım rublgä töşäçäk. Ämma qaya küçäsen Möslim awılı xalqı üze xäl itäçäk.
XS
SM
MD
LG