31 avgustta BMO İminlek şurasınıñ İranğa urannı bayıtunı tuqtatırğa dip quyğan taläbeneñ waqıtı betä. İrannıñ tışqı eşlär ministrı urınbasarı Ğabbas Arağçıy Pekinda Qıtay citäkçelege belän söyläşülär ütkärde. İrannıñ atom idaräse başlığı Ğolämriza Ağazadä kiläse atnada Mäskäwgä baraçağın häm İran atom tikşerenüläre tiräsendä tuğan mäsäläne Rusiä wäkilläre belän söyläşäçägen belderde. Qıtay häm Rusiä, İminlek şurasınıñ daimi äğzaları Germania belän bergä İrannıñ atom ölkäsendä tikşerenülären tuqtatunı taläp itä. Ämma könbatış illärdän ayırmalı bularaq, Qıtay häm Rusiä, İran baş tartqan oçraqta, qatğıy çikläwlär kertügä qarşı çığa. İran prezidentı Mäxmüt Äxmädinicäd sişämbe könne Tähran tınıç şartlarda qullanu öçen atom-töş tikşerenülären tuqtatmayaçaq dip qabat beldergän ide.
