Rusiä prezidentı Vladimir Putin Gruziä xakimiätlären Stalin yäşeren xezmätlärenä tiñläde.
Rusiä-Gruziä mönäsäbätläre Gruziädä küzläwdä ğäyeplänep 4 Rusiä ofitserı qulğa alınğannan soñ ayıruça kiskenläşep kitte.
Mäskäw Tiflistäge küpçelek diplomatların Rusiägä qaytardı häm Gruziädäge 2 xärbi bazadan ğäskärlärne çığarunı waqıtlıça tuqtatıp toruın belderde.
Televidenie aşa kürsätelgän belderüendä Putin bu qulğa alularnı1930-nçı yıllarda millionarça keşeneñ ğömeren özgän görci sovet citäkçeläre Stalin belän Beria säyäsäteneñ mirası bularaq sürätläde.
Bügen Gruziä tışqı eşlär ministrı Gela Bejuaşvili Putinnı Gruziädäge separatist citäkçelärgä yardäm itüdä ğäyepläde.
Bejuaşvili Putin bu şimbädä Soçida Abxaziä, Könyaq Osetiä citäkçeläre Sergey Bagapş häm Eduard Kakoytı belän oçraşqan dide.
