Ğiraq başqalasında, 23 noyäber könne bulğan terror ğämälennän soñ kertelgän komendant säğäte beterelgän. Ul könne 200-dän artıq keşe ülgän ide.
Bügen Bağdadta uzıp baruçı maşinadan keşelär törkemenä ut açıp kimendä 6 keşe üterelgän. Uzğan atnanıñ pänceşämbesendä yabılğan xalıqara hawa alanı açılğan.
Ğiraqta Quşma Ştatlarnıñ F-16 höcüm oçqıçı qazağa yulıqqan. Bağdadtan tönyaq-könbatışqa taba bulğan bu qazanıñ säbäpläre häm älegä qädär oçuçınıñ da yazmışı bilgele tügel.
