Ukraina AQŞnıñ Üzäk Yevropada raketalardan saqlanu cihazların tözü planın täñqitläp çıqtı. Premyer-ministrnıñ berençe urınbasarı Mykola Azarov, raketalar Ukrainağa qurqınıç tudıra ala häm turıdan turı nizağqa kiterä ala, dip belderde. Amerikanıñ Çexiä häm Polşada cihazlar urnaştıru niäten Rusiä dä kisken täñqitläp çıqqan ide. AQŞ, bu cihazlar, İrannan yanağan qurqınıçqa qarşı toru öçen kiräk, dip belderä. Ukraina prezidentı Viktor Yuçenko, Volodymyr Ohryzkonı tışqı eşlär ministrı itep raslawnı sorap parlamentqa möräcäğät itte. Ohryzko, 30 ğinwarda urınınnan kitkän tışqı eşlär ministrı Borys Tarasyuk wazifaların başqara ide.
