11 martta Rusiäneñ başqa töbäkläre belän bergä Başqortstanda da törle däräcädäge saylawlar ütkärelde. Bu könne Başqortstan Qorıltayına (parlamentına) ber deputat, 18 munitsipäl rayonnarnıñ wäqälätle orğannarına häm respublikanıñ 8340 oqruğında awıl bilämäse sowetlarına deputatlar saylandı.
Başqortstan Üzäk saylaw komissiase mäğlümatlarına qarağanda, saylawlarda isemlekkä kertelgännärneñ 90 prosentqa yaqını qatnaşqan (ayırım rayonnarda bu kürsätkeç 100 prosentqa citä yaza) bulıp çığa. Saylanğan deputatlarnıñ absolut küpçelegen “Berdäm Rusiä”çelär täşkil itä ikän. Ämma, tağın ike partianeñ äğzaları awıl sowetlarına deputat bulıp ütä alğan. Şulay, KPRFçılar 0.66%, ä LDPRçılar 0.06% deputat mandatın yawlağannar. Başqortstan Üzäk saylaw komissiase räise Barıy Kincäğulov süzlärenä qarağanda, törle partialärneñ üz deputatların saylata aluı Başqortstandağı saylawlarnıñ ğädel häm demoqratik şartlarda ütkänlegen isbatlıy torğan dälil bulıp tora.
Añlaşıla ki, xakimiat partiasennän başqa partialärneñ deputatların barısın bergä quşıp isäplägändä dä 1 prosentqa da (!) tulmawı hiç kenä dä saylawlarnıñ “ğädel häm demoqratik şartlarda” ütüenä dälil bula almıy. Ni disäñ dä, Rusiäneñ başqa töbäklärendä şuşı uq könne ütkän saylawlarda şul uq KPRF häm LDPR partialäre ikese bergä xalıqnıñ 20 -30 % tawışın cıydılar. Oppzision “Xalıq ixtıyarı” gäziteneñ 2007 yılnıñ ğıynwar ayı sanındağı intervyüsında Başqortstan tatarları milli-mädäni möxtäriäte räise Ramil äfände Bignov, Başqortstanda 2 million saylawçı tügel, ä ber genä SAYLAWÇI bar digän ide. Menä şuşı berdänber SAYLAWÇInıñ xuplawınnan başqa beräw dä ber qaya da saylana almıy, digän ide ul. 11 martta ütkän saylawlar, şaqtıy däräcädä, Ramil äfändeneñ xaqlığın raslıylar diärgä bula. Älege saylawlar ikençe xaqıyqätne dä açıp saldı. Mäğlüm buluınça, şul uq KPRF, LDPR, Rodína partialäreneñ Başqortstandağı bülekçäläre yulbaşçıları nindi dä bulsa deputat mandatına iä bulu turında xıyallanıp, üzläreneñ respublika citäkçelegenä loyäl ikänleklären täkrarlıylar, Başqortstannıñ berläşkän oppozisiase citäkçelären sügü çaralarında aktiv qatnaşalar. Ämma, 11 marttağı saylawlar açıq kürsätte: alarğa Rusiäneñ Däwlät dumasına tügel, ä awıl sowetlarına da yul yabıq.
Kärim Yawış, Ufa
Başqortstan Üzäk saylaw komissiase mäğlümatlarına qarağanda, saylawlarda isemlekkä kertelgännärneñ 90 prosentqa yaqını qatnaşqan (ayırım rayonnarda bu kürsätkeç 100 prosentqa citä yaza) bulıp çığa. Saylanğan deputatlarnıñ absolut küpçelegen “Berdäm Rusiä”çelär täşkil itä ikän. Ämma, tağın ike partianeñ äğzaları awıl sowetlarına deputat bulıp ütä alğan. Şulay, KPRFçılar 0.66%, ä LDPRçılar 0.06% deputat mandatın yawlağannar. Başqortstan Üzäk saylaw komissiase räise Barıy Kincäğulov süzlärenä qarağanda, törle partialärneñ üz deputatların saylata aluı Başqortstandağı saylawlarnıñ ğädel häm demoqratik şartlarda ütkänlegen isbatlıy torğan dälil bulıp tora.
Añlaşıla ki, xakimiat partiasennän başqa partialärneñ deputatların barısın bergä quşıp isäplägändä dä 1 prosentqa da (!) tulmawı hiç kenä dä saylawlarnıñ “ğädel häm demoqratik şartlarda” ütüenä dälil bula almıy. Ni disäñ dä, Rusiäneñ başqa töbäklärendä şuşı uq könne ütkän saylawlarda şul uq KPRF häm LDPR partialäre ikese bergä xalıqnıñ 20 -30 % tawışın cıydılar. Oppzision “Xalıq ixtıyarı” gäziteneñ 2007 yılnıñ ğıynwar ayı sanındağı intervyüsında Başqortstan tatarları milli-mädäni möxtäriäte räise Ramil äfände Bignov, Başqortstanda 2 million saylawçı tügel, ä ber genä SAYLAWÇI bar digän ide. Menä şuşı berdänber SAYLAWÇInıñ xuplawınnan başqa beräw dä ber qaya da saylana almıy, digän ide ul. 11 martta ütkän saylawlar, şaqtıy däräcädä, Ramil äfändeneñ xaqlığın raslıylar diärgä bula. Älege saylawlar ikençe xaqıyqätne dä açıp saldı. Mäğlüm buluınça, şul uq KPRF, LDPR, Rodína partialäreneñ Başqortstandağı bülekçäläre yulbaşçıları nindi dä bulsa deputat mandatına iä bulu turında xıyallanıp, üzläreneñ respublika citäkçelegenä loyäl ikänleklären täkrarlıylar, Başqortstannıñ berläşkän oppozisiase citäkçelären sügü çaralarında aktiv qatnaşalar. Ämma, 11 marttağı saylawlar açıq kürsätte: alarğa Rusiäneñ Däwlät dumasına tügel, ä awıl sowetlarına da yul yabıq.
Kärim Yawış, Ufa
