Mäğlümat agentlıqları, Germaniä häm Fransiä Ğiraq suğışın buldırmas öçen tırışlıqların berläşterä dip xäbär itte. Xäbär agentlıqları, Germaniä xökümäteneñ ber räsmi wäkile süzlären kiterep-ike däwlät berlektä yaña täqdim äzerli, dip belderde. Bu xaqta tulıraq mäğlümat älegä yuq. Germaniäneñ “Der Spiegel” jurnalınıñ düşämbe könne çığaçaq sanında , berlektä tözelgän plan nigezendä Ğiraqqa, küpläp üterü qoralların ezlär öçen Berläşkän Millätlär Oyışması ğaskärläre cibäreläçäk, dielä. Germaniä dä Ğiraqqa üz xärbilären cibärergä äzerlänä, dip xäbär itelde.
