NATOnıñ Saqlanu komitetı bügen Brusseldä, Ğiraqqa qarşı suğış bulğan oçraqta Törkiägä yärdäm kürsätü mäsäläsen tikşerä. Bu komitetqa, Fransiädän qala, Alyansta äğza bulğan 19 ilneñ 18-e kerä. Uzğan atnada Fransiä, Belgiä häm Germaniä bu mäsäläne tikşerügä qarşı çıqqannan soñ NATOda büleneş barlıqqa kilde. Bu 3 ilneñ citäkçeläre, Törkiägä yärdäm mäsäläsen tikşerä başlaw, Ğiraq krizisın diplomatik yul belän xäl itügä zıyan kiteräçäk, dip sanıy. Alay da, kiçä, Belgiä premier-ministrı Guy Verhofstadt, ägär NATO monı suğışqa äzerlänü tügel, ä barı tik saqlanu çarası dip añlatsa, plan qabul itelergä mömkin, dip belderde.