Tähran. İran başqalasınıñ xalıqara hawa mäydanında düşämbe könne, ilneñ xakimiatenä qarata tänqiti qaraşta torğan kürenekle ruxani, Qasıym Şoleh Saadi totqarlandı. Elek parlament äğzası bulğan şuşı şäxes İrannıñ iminlek köçläre tarafınnan Tähranğa Parisdan kilep töşkännän soñ qulğa alındı. Saadinıñ ulı Cäwad Farda radiosına, totqarlanğannan soñ üz ätisenä bu xaqta änisenä xäbär itü mömkinlege birelgänen äytte. "Min belgäne şul, kiçä Parisdan oçqan ätiem bügen irtän Tähranğa kilep töşkän. Häm min tağın şunı beläm, hawa alanında ul qulğa alınğan. Küräseñ bu andağı iminlek törkeme tarafınnan eşlängän" di Cäwad Saadi. Anıñ süzlärenä qarağanda, anıñ ätise küptän tügel genä İrannıñ ruxi citäkçese sanalğan ayatolla Ali Xamenejine tänqitläp mäqälälär yazğan bulğan.
