Bügen Säddäm Hösäinneñ tuğan şähäre Tikrit üzägenä qadär berniçä meñ amerikan maxsus xärbie-marinnar kergän dip xäbär itelä. Ğiraq köçläre tarafınnan qarşılıq yuq däräcäsendä bulğan. Amerikan ğaskärläre Tikrittağı prezident sarayın alğannar häm şähärdäge başqa binalarda Ğiraq suğışçıların ezläwne däwam itä. Ğiraq buylap iñ qatı bäreleşlär xäzer Tikrit şähäre öçen bara. Bolar xaqında bügen Amerikan xärbiläreneñ matbuğat wäkile general Vincent Brooks belderde.
Bağdadta bügen tärtip saqlaw eşenä berniçä yöz politsiä xezmätkäre kereşte. Şulay uq başqalada bügen 20gä yaqın din ähelläre häm oppozitsiä citäkçeläre oçraşıp tärtip saqlaw, su häm elektr tä’minatın yañartu turında söyläşte.
