Tatarstan Prezidentı Mintimer Şäymiev tarixi adım yasarğa ciena. Pravoslav häm katoliklarnıñ araları bik tatu bulmağan bu zamanda, möselman keşese Şäymievqa Qazan İzge ana ikonasın qaytartu turında söyläşülär alıp baru kileşä, dip belderde Tatarstan Prezidentı «İnterfax» agentlığına.
Belgänegezçä, küptän tügel, belgeçlär şurası Vatikanda saqlana torğan şuşı ikonanı tikşerde. Alar çığarğan näticägä qarağanda, Rim papası qaytartırğa teläk beldergän ikona 400 yıl elek tabılğan çın ikona tügel, ä anıñ küçermäse genä. Bu kopiä XVIII ğasırnıñ berençe yartısında yasalğan dip sanıy, belgeçlär.
Mintimer Şäymiev ikonanıñ çın bulmawın tanıy, ämma bu anıñ ähämiäten kimetmi, di. İke ğasır eçendä aña tabınıp küpme keşe doğa qılğan häm pravoslavlar anı barıber bik yuğarı bäyäli, dip belderde Tatarstan prezidentı. Qazan şähär başlığı Kamil İsxaqov häm däwlät kiñäşçese Rafail Xäkim İoan Pavel II belän oçraşqanda, ul bernindi şartlar quymıyça, ikonanı qaytarırğa telägen belderde. Häm, Mintimer Şäymiev fikerençä, töp iğtibarnı ikonanıñ yäşenä tügel, ä anıñ Qazanğa qaytu mömkinlegenä birergä kiräk.
Moña qädär ber genä Rim Papasınıñ Qazanğa tügel, Rusiägä dä kilgäne bulmağan. Pravoslav tarmaq citäkçelege dä moña qarşı çığa. Ägär möselman keşese Mintimer Şäymiev, katoliklar belän pravoslavlarnı tatulaştıra alsa, anıñ iseme dönya tarixına kerep qalaçaq, di säyäsi küzätüçelär.
Bu xäbär mäğlümat agentlıqları aşa kiçä kiç kenä taraldı, şunduq aña mönäsäbät belderü dä kürende. Regions.ru agentlığı mäsälän, Şäymiev katolik häm pravoslavlar arasındağı qarşılıqlarda uynap, üzenä säyäsi kapital tuplarğa teli, dip yazıp çıqtı, xristian çirkäwläre cimerelgän häm xakimiätlär keräşennärgä basım yasağan bu respublika citäkçeseneñ xristiannarnı qayğırtırğa tırışuı - ikeyözlelek, dip sanıy şuşı mäğlümat agentlığı.
Şulay itep, küpme waqıt ütsä dä, Çallıdağı çirkäw tiräsendäge qarşılıq uñışlı ğına xäl itelsä dä, anıñ şaw-şuı onıtılmağan ikän äle. Niçek kenä bulmasın, ikonanı qaytartuğa äzerlek eşläre barıber bara. 16 mayda, Rusiä Prezidentı yullamasın täqdim itkän könne, Rusiäneñ tışqı eşlär ministrlığında kiñäşmä bulaçaq, anda şul häm Qazannıñ 1000 yıllığına äzerlek eşläre, çit ildän finans yärdäm alu mäsäläläre tikşereläçäk.
Belgänegezçä, küptän tügel, belgeçlär şurası Vatikanda saqlana torğan şuşı ikonanı tikşerde. Alar çığarğan näticägä qarağanda, Rim papası qaytartırğa teläk beldergän ikona 400 yıl elek tabılğan çın ikona tügel, ä anıñ küçermäse genä. Bu kopiä XVIII ğasırnıñ berençe yartısında yasalğan dip sanıy, belgeçlär.
Mintimer Şäymiev ikonanıñ çın bulmawın tanıy, ämma bu anıñ ähämiäten kimetmi, di. İke ğasır eçendä aña tabınıp küpme keşe doğa qılğan häm pravoslavlar anı barıber bik yuğarı bäyäli, dip belderde Tatarstan prezidentı. Qazan şähär başlığı Kamil İsxaqov häm däwlät kiñäşçese Rafail Xäkim İoan Pavel II belän oçraşqanda, ul bernindi şartlar quymıyça, ikonanı qaytarırğa telägen belderde. Häm, Mintimer Şäymiev fikerençä, töp iğtibarnı ikonanıñ yäşenä tügel, ä anıñ Qazanğa qaytu mömkinlegenä birergä kiräk.
Moña qädär ber genä Rim Papasınıñ Qazanğa tügel, Rusiägä dä kilgäne bulmağan. Pravoslav tarmaq citäkçelege dä moña qarşı çığa. Ägär möselman keşese Mintimer Şäymiev, katoliklar belän pravoslavlarnı tatulaştıra alsa, anıñ iseme dönya tarixına kerep qalaçaq, di säyäsi küzätüçelär.
Bu xäbär mäğlümat agentlıqları aşa kiçä kiç kenä taraldı, şunduq aña mönäsäbät belderü dä kürende. Regions.ru agentlığı mäsälän, Şäymiev katolik häm pravoslavlar arasındağı qarşılıqlarda uynap, üzenä säyäsi kapital tuplarğa teli, dip yazıp çıqtı, xristian çirkäwläre cimerelgän häm xakimiätlär keräşennärgä basım yasağan bu respublika citäkçeseneñ xristiannarnı qayğırtırğa tırışuı - ikeyözlelek, dip sanıy şuşı mäğlümat agentlığı.
Şulay itep, küpme waqıt ütsä dä, Çallıdağı çirkäw tiräsendäge qarşılıq uñışlı ğına xäl itelsä dä, anıñ şaw-şuı onıtılmağan ikän äle. Niçek kenä bulmasın, ikonanı qaytartuğa äzerlek eşläre barıber bara. 16 mayda, Rusiä Prezidentı yullamasın täqdim itkän könne, Rusiäneñ tışqı eşlär ministrlığında kiñäşmä bulaçaq, anda şul häm Qazannıñ 1000 yıllığına äzerlek eşläre, çit ildän finans yärdäm alu mäsäläläre tikşereläçäk.
