Vladivostok. Tın okean flotınıñ şuşı şähär yanındağı qoral saqlağıçında bulğan berniçä şartlaw kimendä 12 keşeneñ törle däräcädä cäräxätlär aluwına kiterde. Şartlawlar şulay uq yaqındağı yortlarnıñ täräzälären watıp, diwarlarına zian saldı dip xäbär itelä. Barlığı 7 keşe xastaxanägä salındı, şularnıñ berse bik awır xäldä. Yözlägän keşe tirä-yündäge yortlardan iminräk urınğa küçerelgän.
