Rusiä belän AQŞ, Berläşkän millätlär oyışması iminlek şurasınıñ Ğiraqqa qarata yaña rezolyutsiä qabul itärgä tieşlege turında urtaq fikergä kilde. Ul rezolyutsiä ildä säyäsi xälne cayğa saluda, yaña xäkimiätneñ qanunlı orğannarın oyıştıruda yärdäm itärgä tieş. Bu xaqta bügen AQŞ däwlät sekretare urınbasarı William Burns belän söyläşülär ütkärgän Rusiäneñ tışqı äşlär ministrı urınbasarı Yuriy Fedotov xäbär itte. Üz çiratında Amerika diplomatı Ğiraqnı suğıştan soñ torğızu eşlärendä Waşington Rusiä belän eş berlege alıp barırğa telär ide, dip belderde. Alda torğan kiñäşü söyläşülärdä Rusiä şirkätläreneñ Ğiraqtağı eşçänlegen yañadan başlaw turında da süz quzğatılırğa mömkin.
