Rusiä prezidentı Vladimir Putin Belarus prezidentı Aleksandr Lukaşenkonı Rusiä rublen ike ilneñ urtaq aqçası bularaq ğämälgä kertü planı turında tizräk qarar qabul itärgä çaqırdı.
Lukaşenkoğa yullağan xatında Putin urtaq aqça berämlege turında kileşü yaqın arada imzalanırğa tieş dip yaza.
Elegräk Putin belän Lukaşenko rublne 2005-nçe yıl başınnan ike ildä dä äyläneşkä kertü turında söyläşkän ide. Ämma Lukaşenko bu plannan çitläşep, aqça basunı kontrol'dä totuçı urtaq şurada Belarusqa tigez xoquqlar birüne taläp itte.
