Riyad. Söğüd Ğäräbstanınıñ eçke eşlär ministrı, şaxzadä Näcif bin Ğäbdeläziz, amerikan yağınıñ, şuşı patşalıqtağı islam radikalları Quşma Ştatlar köçlärenä höcüm itü öçen çik aşa Ğiraqqa ütep kerä digän ğäyepläwlären kire qaqtı. Londonda ğäräp telendä çığa torğan äl-Häyät basmasına ul, Ğiraqta söğüdilär bulğan oçraqta da, alar anda öçençe il aşa ğına ütep kerä ala dip belderä. Anıñ süzlärenä qarağanda, amerikan yağı ğäyepläwläre tulısınça nigezsez. Uzğan atnada Quşma Ştatlarnıñ däwlät sekretare urınbasarı Richard Armitage, Ğiraqtağı amerikan köçlärenä höcüm itüçe qayber keşelär Söğüd Ğäräbstanınnan, häm şulay uq İran wä Süriädän kilä dip äytkän ide.
