Bu Saylawlar 2-nçe noyäberdäge saylawlar waqıtında qanun bozular bulğan okruglarda ütä.
Bügen Gruziä perzidentı Eduard Şevardnadzeğa oppozitsiädä bulğan partiälärneñ citäkçeläre demonstratsiälärne däwam itü turında söyläşü ütkärä.
Bu demonstratsiälär Prezidentnı 2-nçe noyäber saylawların ğämäli tügel dip tanırğa häm wazıyfasınnan cigenergä mäcbür itü maqsatı belän ütä.
Oppozitsiä şulay uq, ilküläm buysınmaw çaraları oyıştıru mäs'äläsen qarıy.
Xäbärlärgä qarağanda, uzğan comğada Tbilisida Parlament binası qarşına 15 meñläp demonstratsiäçe cıyılğan.
Oppozitsiä xakimiätlärne saylawlarda Şevardnadze faydasına xärämläşüdä ğäyepli. Saylawlarnıñ täğäyen näticäläre äle bilgele tügel, ämma berençel näticälärgä qarağanda, Şevardnadze yaqlı blok belän ber oppozitsion partiä berençe häm ikençe urınnarnı alğan.
