Bügen Ğiraqnıñ tönyağında urnaşqan Mosul şähärendä bulğan şartlaw näticäsendä ber Amerikan xärbie xäläk buldı, ikese yaralandı. Serjant Kelly Tyler äytüençä, Amerikan xärbiläre şähär üzägennän ütep barğanda, alarnıñ yulında quldan yasalğan bomba şartlatılğan. Xärbilär äytüençä, tağın ber şartlaw näticäsendä 12 yäşlek ber malay ülgän. Ul yulğa quyılğan bomba tabıp anıñ belän uynap utırğan bulğan.
