Accessibility links

Кайнар хәбәр

2003 Nobel Tınıçlıq bülägen alğan Şirin Ebadi terrorğa qarşı köräşkän däwlätlärne keşe xoquqların bozuda ğäyepläde


2003 yılnıñ Nobel Tınıçlıq bülägen alğan Şirin Ebadi, qayber däwlätlär 2001eñ 11 sintäberendä bulğan terror xöcümnären - xalıqara qanun häm keşe xoquqların bozuların aqlaw öçen qullana, dip belderde:

Audio (Şirin Ebadi)

"11 sintäber faciğäsen häm terrorğa qarşı köräşne säbäp itep, soñğı ike yılda qayber däwlätlär, xalıqara qanun häm keşe xoquqların boza."

Norvegiä başqalası Osloda, büläkne alu tantanasında çığış yasap, Şirin xanım, terrorğa qarşı suğış sıltawı belän, keşe xoquqların bozğan illär arasında Könbatış demokratiälär buluın äytte. Misal itep ul Quşma Ştatlar tarafınnan Äfğanstanda qulğa alınğan keşelärneñ xoquqları bozıluwın kiterde. Tanılğan xoquqçı Şirin Ebadi bıyılğı Nobel bülägen İrandağı xatın-qızlar häm balalar xoquqların yaqlawı öçen qazandı. Ul Nobel bülägenä iä bulğan berençe İranlı häm berençe möselman xanımı buldı. Bu bülägen ul dönyadağı bar möselman xatın-qızlarına bağışlawın häm dä İslam belän demokratiä, yä isä keşe xoquqları arasında bernindi qarşılıq bulmawın äytte.
XS
SM
MD
LG