Accessibility links

Кайнар хәбәр

NATOnıñ yaña general sekretare Jaap De Hoop Scheffer üzeneñ berençe eş könen uzdırdı


Bügen NATO general sekretare urnın Hollandiäneñ elekke tışqı eşlär ministrı Jaap De Hoop Scheffer aldı. Bügen berençe eş könen başlap De Hoop Scheffer, NATO köntärtibendä berençe urında Äfğanstan, dip belderde. Kiçä Äfğanstannıñ yaña konstitutsiä qabul itüe turındağı belderüe – ildä totrıqlılıq urnaştıru öçen möhim adım, dide ul: "Säyäsi tärräqiätne alğanda bezne iñ küp Äfğanstan borçıy. Ğiraq ta älbättä köntärtibendä ämma bu eşlärne adım adım xäl itik" dip belderde NATOnıñ yaña general sekretare.

Quşma Ştatlarnıñ, Ğiraqtağı xärbilärne NATO üz kontrolenä alsın digän täqdime äle kötep toraçaq, bu xaqta qarar soñıraq qabul iteläçäk. De Hoop Schoffer berençe çiratta şulay uq Ğiraq suğışı mäs'äläsendä Saqlanu Berlegendä tuğan tarqawlıqnı beterep NATOnı yañadan berläşterergä ömetlänä.

Moña qadär 4 yıl NATOnı George Roberston citäkläde.
XS
SM
MD
LG