Bagdad. Bügen Ğiraqta, maşinalarınıñ yulğa quyılğan minağa elägüe näticäsendä 3 amerikan ğäskärie häm Ğiraqnıñ sivil saqlanu xezmätendäge 2 cirle keşe hälak buldı. Höcüm başqala Bagdadtan 30 çaqrım tönyaqta yatqan Taci şähärçege yanında yasalğan dip xäbär itelä. Amerikannar häm ğiraqlılar urtaq kizüdä bulğan, 20-nçe martta Ğiraq suğışı başlanğannan birle anda ülgän amerikan ğäskäriläre sanı şulay itep 500-gä citte. Ğiraqnıñ waqıtlı amerikan xakime Paul Bremer şimbägä qarşı töndä Waşingtonda prezident Bush belän oçraştı, düşämbedä anıñ Berläşkän Millätlär Oyımasına baruı qaralğan.
