İrannıñ Saqçılar Şurası kiläse ayda ütäçäk saylawlardan çitlätelgän 3 meñnän artıq reforma-taraflı namzätneñ 200-enä bügen saylawlarda qatnaşu röxsäten birde. Şuranıñ İnternet säxifäsendä äytelgänçä, isemlekne qabat küzdän kiçerü eşe Ayatolla Ali Xömänei sorawı belän başqarıla. Saqçılar Şurası belderüençä, isemlekne tikşerü eşe däwam itäçäk. Reforma taraflı köçlär monı döres, ämmä citärlek tügel adım, dip bäyäläde. Alar saylawlarda namzätlärneñ barısınıñ da qatnaşuın, dip taläp itä. İranda parlament saylawları 20 Fivralgä bilgelängän.
