Britaniäneñ BBC korporatsiäse general direktorı Greg Dyke bügen urnınnan kitüe turında belderde. Kiçä xäkim Lord Hutton BBC televideniäsen Ğiraqtağı küpläp üterü qoralı turındağı tapşırunıñ nigezsez buluında ğayeplägän ide. Uzğan yılnıñ may ayında qoral inspektorı David Kelly BBCğa äñgämä birgännän soñ ber-ike kön uzğaç ülgän kileş tabıldı. Hutton doktor Kelly'nıñ ülemen tikşerde. Hutton xisabı sürätendä şulay uq üz urnınnan BBCnıñ idarä şurası başlığı Gavyn Davies ta kitergä mäcbür buldı. Korporatsiä säyäsätenä bulğan täñqittän soñ ike yuğarı räsmi wäkilneñ kitüe uñayınnan BBC bügen monıñ öçen ğafu ütende. Bu xaqta Londonda İdarä Şurasınıñ waqıtlı räise Richard Ryder belderde: "BBC isemennän , min xatalar öçen, häm qayber keşelärneñ reputatsiäläreneñ bozıluı öçen ğafu ütenäm" dide Ryder.
Britaniä premyer-ministrı1 Tony Blair bu süzlärne qabul itep – barı tik ğafu ütenüne işetergä telägänen belderde.
