Törkiägä kilgän Germaniä kanslerı Gerhard Şröder, Germaniä Törkiäneñ Yevropa Berlegenä kerü turında söyläşülär başlaw niäten xuplıy, dip belderde. Änkarada Törkiä premyer-ministrı Recep Tayyip Erdoğan belän oçraşqannan soñ, Şröder, Törkiädä reformalar barışın xupladı, Änkara – Yevropa Berlegenä taba "döres yulda" dip belderde. Tayyip Erdoğan üz çiratında, Törkiä söyläşülär başlaw waqıtın kötä, dide. "2004neñ dekaberen, äğzalek turında söyläşülär başlaw waqıtın zur ışanıç belän kötäbez" dide Erdoğan.
Berlekkä kerü turında söyläşülär başlaw waqıtın Yevropa Berlege citäkçeläre, Törkiäneñ demokratik häm keşe xoquqları ölkäsendäge reformalarnıñ näticäsen tikşergäç, dekabr ayında xäl itäçäk.
Berlek äğzase bulu turında niäten Törkiä inde 1999nçı yılda belderde, ämma älegä qadär – söyläşülär başlarğa röxsät almağan berdän ber namzät bulıp qala.
