Britaniäneñ elekke ministrı Clare Shot'nıñ BBC radiosına äñgämäsendä yañğrağan, Britaniä şpionnarına Ğiraq suğışı başlanğançı Berläşkän Millätlär Oyışması häm anıñ general sekretare Kofi Annan östennän küzläw eşläre alıp barırğa quşılğan ide digän añlatmalarına premyer-ministr Tony Blair bügen kisken cawap qaytardı. Mondıy añlatmalar birü – "zur cawapsızlıq" dide Blair, ämma tulıraq mäğlümat birmäde: "İminlek xezmätläreneñ eşenä ber nindi dä añlatmalar birergä cıyınmıym. Bu - ğayepläwlärneñ döres buluın kürsätmi. Ğömümän, monıy ğayepläwlärneñ çığuı – üze cawapsızlıq" dide Blair.
