Bıyıl Başqortstanda Germaní könnäre ütäçäk. Älege möhim çarağa äzerlek qısalarında, atnaqiç könne Ufağa Germaní Federätiv republígınıñ Rusiädäge ilçelegeneñ Berençe sekretare Yäsper Wik citäkçelegendäge räsmi wäkillek kilde. Yäsper Wik belän bergä Başqortstanda Germaní könnären ütkärüneñ oyıştıru qömitetı räistäşe, Germanínıñ «Başqortstan dusları» dip atalğan cämğiäte räise Ul'f Bornmann, Germanínıñ DAAD, yäğni akademík almaşular xezmäte wäkile Qörina Zons häm başqa wäkillär Ufada öç kön däwamında küp oçraşular ütkärä.
Täwge könne qunaqlar Başqortstannıñ Tışqı bäyläneşlär häm säwdä ministerlığında, Mädäniät häm milli säyäsät ministerlığında, Başqortstan almannarınıñ «Wiedergeburt» cämğiätendä häm başqa oyışmalarda, Ufanıñ istälekle urınnarında buldı. Ä comğa könne Germaní wäkillären Ufa şähäre xakímítı citäkçeläre qabul itte. Annan soñ alar Başqortstannıñ Yäşlär eşläre buyınça däwlät qömitetında, «Tinqoff» şirkätendä häm Ufadağı yuğarı uqu yortlarında oçraşularda qatnaştı.
Comğa kiçen Başqortstannnıñ törle däräcä citäkçeläre belän söyläşülärendä Germaní yağı Başqortstanda üzdırılaçaq bäyrämneñ programı xaqında fiker alışa.
Şunısı da mäğlüm bulsın, tuqsanınçı yıllarğa qädär Başqortstanda almannar sanı berniçä meñ ide. Ayıruça Blağowar rayonında tuplanıp yäşäde alar. Soñğı yıllarda Başqortstan almannarınıñ yartısı çaması üz watannarına – Germaníğa küçenep kitte. Anda kitkän almannar üzlären bik bäxetle sizä di, ayıruça yäşräk buın wäkilläre. Çönki alarğa telne üzläşterü dä, eşkä urnaşu da, ölkännärgä qarağanda, küpkä ciñelräk.
Täwge könne qunaqlar Başqortstannıñ Tışqı bäyläneşlär häm säwdä ministerlığında, Mädäniät häm milli säyäsät ministerlığında, Başqortstan almannarınıñ «Wiedergeburt» cämğiätendä häm başqa oyışmalarda, Ufanıñ istälekle urınnarında buldı. Ä comğa könne Germaní wäkillären Ufa şähäre xakímítı citäkçeläre qabul itte. Annan soñ alar Başqortstannıñ Yäşlär eşläre buyınça däwlät qömitetında, «Tinqoff» şirkätendä häm Ufadağı yuğarı uqu yortlarında oçraşularda qatnaştı.
Comğa kiçen Başqortstannnıñ törle däräcä citäkçeläre belän söyläşülärendä Germaní yağı Başqortstanda üzdırılaçaq bäyrämneñ programı xaqında fiker alışa.
Şunısı da mäğlüm bulsın, tuqsanınçı yıllarğa qädär Başqortstanda almannar sanı berniçä meñ ide. Ayıruça Blağowar rayonında tuplanıp yäşäde alar. Soñğı yıllarda Başqortstan almannarınıñ yartısı çaması üz watannarına – Germaníğa küçenep kitte. Anda kitkän almannar üzlären bik bäxetle sizä di, ayıruça yäşräk buın wäkilläre. Çönki alarğa telne üzläşterü dä, eşkä urnaşu da, ölkännärgä qarağanda, küpkä ciñelräk.
