Ukraina saqlanu ministrı Yevhen Marçuk bügen köndälek "Den" gazetına birgän äñgämäsendä sovet çorındağı yözlägän raketa tabılmadı, dip belderde. Alar inde komissiäne ütkän bulırğa tieş, ämma qayda ikännäre bilgesez, dide Marçuk. Tögäl nindi raketalar turında süz bara – moña Marçuk añlatmalar birmäde, ämma saqlanu ministrınıñ matbuğat wäkile Konstantin Xivrenko, Associated Press mäğlümat agentlığına, süz S-75 törendäge hawa höcümennän saqlanu raketaları turında bara, dip xäbär itte. Varşava Paktı illärennän yözlägän şundıy raketa yuq itelü öçen Ukrainağa kiterelgän bulğan, ämma "isäp-xisap" problemaları arqasında yuğalğan.
Marçuk şulay uq, qayber raketalarda qimmätle metallar bar ide, dip belderde.
