Udmurtiäneñ Kambarka rayonında Böyek watan suğışı yıllarında lyuizit kitereluyı häm bu ximik qoralnıñ bügengä qadär anda saqlanuı berkemgä dä ser tügel. Anı respublikadan başqa, mäsälän, Saratov ölkäsendäge ximik qoralnı yuq itü öçen tözelgän zavodqa iltep, annan arınu yulın berniçä yıl elek küterdelär. Ämmä törle säbäplär arqasında bu plan tormışqa aşmadı. Xäzer şuşındıy qoraldan arınu buyınça tözelgän federal' programma nigezendä Kambarkada zavod tözeläçäk. Elek bu turıda süz başlanğaç ta, biredä yäşäwçe xalıq moña bik nıq qarşı torsa, bügen alarnıñ fikerläre üzgärde. Monıñ iñ berençe säbäbe — bu rayondağı eşsezlek. Rayonnıñ Şol'ya bistäsennän Yäğfär abıy Safiullin.
Audio
Eşsezlek ber xäl, ä monda zavod tözelep, eşli başlağaç, ekologik üzgäreşlär buluı da ixtimal. Berär bälä kilep çıqsa, İdel buyı töbägenä zur qaza yanıy. Bu turıda häm kilep tuğan situatsiä xaqında Kambarka rayonı tatar ictimaği üzäge räise Tälğat Säläxovnıñ fikerläre belän tanışıyk äle.
Audio
Şul uq waqıtta Tälğät Säläxov äytüençä, rayon başlıqları kiñ cämäğätçelekne Saratov ölkäsendäge zavodnı alıp barıp kürsätergä ışandırğan bulğan. Ämmä, şul ber bälä – aqça yuqlığı — monı ğämälgä aşırırğa mömkinlek birmägän.
Kambarkada bulaçaq ximik qoralnı yuq itü zavodı tözeleşenä, aqça bülenä başladı da inde. Bu uñaydan xalıqnıñ sotsial' könküreşendä dä üzgäreşlär bar — şuşı könnärdä genä Kambarkağa torbalar buyınça täbiğat ğazı kilde. Rayondağı awıllarğa da ğaz kertergä planda. Ä anı başqarıp çığar öçen xalıqnıñ aqçası yuq. Kemneñder öendä ğaz bulır, kemnekender uzıp kitär. Kemder bügen yaña zavodta eş alam dip xıyallana, beleme bulmay säbäple, Tälğat Säläxov süzlärençä, annan mäxrüm qalaçaq.
«Azatlıq» radiosı, Xämidä Ğayfullina, Udmurtiä
