Accessibility links

Tatar häm mari millätçelären närsä berläşterä?


9nçe aprildän başlap, Mari El respublikasında Tatarstan mädäniäte könnäre başlana. Tatarstan wäkilläre pänceşämbedän, yulğa çığarğa äzerlänä. Bu xaqta tulıraq itep söylärbez äle. Küptän tügel genä, Tatarstan wäkilläre Mari El respublikası başqalası, Yoşkar Ola, şähärendä bulıp qayttı inde. Anda, Tatar kongressı sıman, 7nçe bötendönya mariları cienı –«Mari poğın» uzdı. Tatarstan isemennän älege märtäbäle cienda Tatar ictimaği üzäge räise Räşit Yäğfärov buldı. Ul birgän mäğlümatlarğa qarağanda, marilarnıñ telläre häm mädäniätläre bik ayanıç xäldä. Alar, kiläse Mari El respublikası Prezidentı saylawlarına üz wäkilen täqdim itärgä ciena. «Mari poğın»da Rusiäneñ başqa ölkälärendä, respublikalarında yäşägän marilar da qatnaşqan. Mäsälän, Sverdlaw, Perm ölkäläre häm Tatarstanıñ Äğerce rayonınnan wäkillär bulğan anda. Mari milli cämäğätçelege cirle xakimiätlär belän urtaq tel tabıp betermäsä dä, Prezident idäräse wäkilläre «Mari Poğın»da bulğan häm xakimiätlär isemennän çığış yasağan. Şulay uq, Räşit Yäğfärovnıñ äytüenä qarağanda, mari xalqınıñ 7nçe qorıltayında oyışmanıñ yaña nigezlämäse qabul itelgän häm yaña citäkçese saylanğan.



Bikä Timerova.

XS
SM
MD
LG