Accessibility links

Кайнар хәбәр

Ruslan Däminov dusların cıya


12 aprel’ könne Qazanıñ Salix Säydäşev isemendäge zur konsertlar zalında tatar xalıq cırları häm opera äsärlären yaratuçıları öçen bik üzençälekle kiçä uzaçaq. Ul tanılğan cırçı, tatar operası yoldızı Ruslan Däminovnıñ icat yulınıñ 30 yıllıq yubileyına bağışlana. Täteş rayonınıñ Olı Tarxan awılında tuıp-üsep, Ruslan äfände Qazanğa kilep konservatoriä tämamlıy. Şunnan birle ul Musa Cälil isemendäge däwlät opera häm balet teatrında cırlıy. Şulay uq Ruslan Däminov berniçä yıl yıraq Amerikağa kitep, anda da New-York, Çikago şähärlärendä cırlıy, üzen başqa hönärlärdä dä sınap qarıy. Anda barıp, dönya kürep qaytuıma min bik şatmın, di cırçı.

12 aprel’dä uzaçaq icat kiçäsenä kilsäk, Ruslan äfände süzlärenä qarağanda, ul opera teatrında solist bularaq 30 yıllıq eşneñ näticäse. Min anı iñ yaqın duslar häm tamaşaçılar belän bergä ütkärergä telädem, di ul. Konsert ike bülektän toraçaq häm anda Röstäm Äbäzov citäkçelegendäge Lya Primavera orkestrı da qatnaşaçaq. Üzeneñ icat kiçäse turında täfsilleräk itep Ruslan Däminov söyli.

12 aprel’dä uzaçaq kiçäneñ berençe öleşe neapolitan cırlarınnan toraçaq. İkençe kisäktä isä min tatar klassik äsärlärennän özeklär häm tatar xalıq cırların başqaraçaqmın. Konsertta iñ matur, tanılğan äsärlär başqarılaçaq. Min mondıy oçraşularnı bik faydalı, dip sanıym. Xörmätle tamaşaçılar, min sezne barığıznı da minem icat kiçäsenä çaqırıp qalam

Şulay itep, bar tatar sänğäten häm Ruslan Däminovnıñ icatın yaratqan tamaşaçı cırçı belän düşämbe, 12 aprel’ könne, Salix Säydäşev isemendäge Zur konsertlar zalında oçraşa ala.

Gölnaz İlgizär

XS
SM
MD
LG