Rusiäneñ ğädättän tış xällär ministrlığı bügen Ğiraqtan Rusiä häm BDB illäre watandaşların çığara başladı. Ul keşelär Ğiraqta kileşü buyınça tözelgän Rusiä şirkätlärendä eşlägän bulğannar. Bağdadqa bügen ğädättän-tış xällär ministrlığınıñ öç oçqıçı kilde. Alar ike köndä 800 keşene alıp qaytırğa planlaştıralar. Läkin Ğiraqtağı Rusiä şirkätlärendä eşläwçelärneñ barısı da qaytırğa cıyınmıy. İnterfaks xäbärenä qarağanda “İnterenergoservis” şirkäteneñ küpçelek xezmätkäre (365kä yaqın keşe) älegä Ğiraqta qalırğa niätli.
