Başqortstannıñ Nefteqama şähärendä comğa kiçen «Duslıq moñı» isemle xalıqara cır festiwale tämamlana. 12 aprel könne başlanğan bu bäyge bıyıl tağın da kübräk sälätle yäşlärne cıydı. 16 – 35 yäşlek häwäskär başqaruçılar arasında soñğı yıllarda daimi oyıştırıluçı bu cır – moñ bäygese yıldan – yıl üzeneñ geoğrafiäsen kiñäytä bara. Bıyıl anda köç sınarğa teläwçelär arasınnan Başqortstan belän Tatarstannan ğına tügel, ä yaqın çit illärdän – Estoniädän, Qazaxstannan, Tacikstannan, şulay uq Çiläbe, Perm ölkälärennän, Udmurtiädän häm başqa töbäklärdän cämğıse citmeşkä yaqın başqaruçı saylap alındı.
«Duslıq moñı – 2004» bäygeseneñ jyürie räise, kürenekle möğallimä, professor Miläwşä Mortazina bıyılğı yäş talantlar arasında üzençälekle moñğa iä buluçılar buluın äytä: Çirattağı festiwäldä sälätlären kürsätergä teläwçelär arasında tabiği moñnarı häm zur woqal mömkinlekläre bulğan yäşlär buluın küräm, – di Miläwşä xanım. – Alarnıñ qayberläre kiläçäktä sänğät yulın saylayaçağına da şigem yuq. Xätta qayberlärenä üzem dä cır sänğäte buyınça maxsus belem alırğa täqdim itärmen dip toram.
Jüri sostawında tanılğan kompozitor Nur Dautov, talantlı ölkän cırçı Zäki Mäxmütov häm başqa asıl zatlarıbız bar.
Bäygegä comğa kiçen yomğaq yasalaçaq. Anda ciñüçelär bilgelänä häm festiwäl lawreatlarnıñ ğala – konsertı belän tämamlana. Uñışlı çığış yasawçılarnı qıymmätle büläklär kötä. Ä gran – priğa layıq buluçı cırçı bu bäygedän ör – yaña «jiğuli» maşinasına utırıp qaytıp kitäçäk. Ciñüçegä maşina açqıçın prezident Mortaza Räximov tapşıraçaq dilär.
Fänis Fätxi, Ufa
«Duslıq moñı – 2004» bäygeseneñ jyürie räise, kürenekle möğallimä, professor Miläwşä Mortazina bıyılğı yäş talantlar arasında üzençälekle moñğa iä buluçılar buluın äytä: Çirattağı festiwäldä sälätlären kürsätergä teläwçelär arasında tabiği moñnarı häm zur woqal mömkinlekläre bulğan yäşlär buluın küräm, – di Miläwşä xanım. – Alarnıñ qayberläre kiläçäktä sänğät yulın saylayaçağına da şigem yuq. Xätta qayberlärenä üzem dä cır sänğäte buyınça maxsus belem alırğa täqdim itärmen dip toram.
Jüri sostawında tanılğan kompozitor Nur Dautov, talantlı ölkän cırçı Zäki Mäxmütov häm başqa asıl zatlarıbız bar.
Bäygegä comğa kiçen yomğaq yasalaçaq. Anda ciñüçelär bilgelänä häm festiwäl lawreatlarnıñ ğala – konsertı belän tämamlana. Uñışlı çığış yasawçılarnı qıymmätle büläklär kötä. Ä gran – priğa layıq buluçı cırçı bu bäygedän ör – yaña «jiğuli» maşinasına utırıp qaytıp kitäçäk. Ciñüçegä maşina açqıçın prezident Mortaza Räximov tapşıraçaq dilär.
Fänis Fätxi, Ufa
