Hindstannıñ ike ere kommunistlar partiäse, Sonia Gandi citäkçelegendäge Kongress partiäse oyıştıraçaq yaña koalitsiä xökümätenä kermäskä qarar qılğan. Şul uq waqıtta kommunistlar Kongress partiäsenä teläktäşlek belderä. 545 deputat bulğan parlamentta, Kommunistlar teläktäşlegendä 300 urınnı koalitsiä alıp tora. Bügen Sonia Gandi, yaña xökümät tözergä röxsät sorap, ilneñ prezidentı Abdulla Kalamğa möräcägät itär dip kötelä. Xäkimiät partiäse saylawlarda ciñelgännän soñ, Hindstan birjasında qimmätle qäğäzlär bäyäse 15% qa töşep, älegä şul yuğarılıqta tuqtap qalğan.
