Qazaxstan prezidentı Nursoltan Nazarbaevnıñ qızı Dariğa Nazarbaeva, sintäbrneñ 19zına bilgelängän parlament saylawlarında qatnaşırğa cıyına. Asar ("bergä") isemle firqaneñ matbuğat wäkile Şolpan Zabix, Dariğa Nazarbaeva – partiädän täqdim itelgän 50 namzät isemlegenä kertelgän, dip belderde.
Bügen oppozisiädäge partiälär, Aq Jol (yağni Aq Yul), Demokratik Saylaw partiäläre häm Kommunistlar - ägär dä xökümät böten firqalärgä tigez şartlarda köç sınaşırğa irek birmäsä – saylawlarğa baykot iğlan itäçäkläre belän yanadı. Aq Jol firqase şulay uq oppozisiädäge qazax jurnalistı Äsxät Şärifcannıñ ülemen bäysez xalıqara belgeçlärneñ tikşerüen taläp itä. Jurnalist uzğan comğa Almatıda yul faciğasendä alğan cärähätlärdän kiçä wafat buldı. Jurnalislar häm oppozisiä citäkçse Zamanbek Nurkadilov, Şarifcannıñ ülemendä xökümät role bar, dip belderä. Milisiä monı kire qaqtı. Şarifcan oppozisiä eşlänlegen yaqtırta ide häm mäğlümatlären kübräk internetqa çığara ide.
